23 ноября 2023, 11:23
Дзæуджыхъæуы кæронмæ фæхæццæ кæны Кольбусы уынджы фистæгæйцæуджыты хиды рацарæзт
Объект фæнд кæнынц 10-æм декабрьмæ сцæттæ кæнын
Дзæуджыхъæуы кæронмæ фæхæццæ кæны Кольбусы уынджы фистæгæйцæуджыты хиды рацарæзт. Цалцæг ахаста афæдзы бæрц. Уыцы рæстæгмæ хид зынгæ аивта. Специалисттæ сæвæрдтой монолитон æфсæнбетон цæджындзтæ, брусчаткæ, рухсытæ. Сæ ныхæстæм гæсгæ, ахæм хид 100 азæй къаддæр нæ фæлæггад кæндзæн. Объект фæнд кæнынц 10-æм декабрьмæ сцæттæ кæнын. Ныртæккæ кусджытæ аив кæнынц хиды алыварс территори. Уæ зæрдыл уын æрлæууын кæндзыстæм, зæронд хид бирæ рæстæг уыд кæлæддзаг уавæры. Специалисттæ йæ райхæлдтой æмæ сарæзтой ног.
темæмæ гæсгæ
