Йæ режиссер у Рафаэль Гаспарянц, продюсер та Туаты Теминæ.
Дзæуджыхъæуы кинойы Хæдзары арæзт æрцыд документалн киноныв «Время Бориса Галаева»-йы презентаци. Йæ режиссер у Рафаэль Гаспарянц, продюсер та Туаты Теминæ. Галаты Барис у фыццаг ирыстойнаг киномузыкæйы автор, ахæм кинонывтæм, куыд «Советская Осетия», «Искусство, рожденное в горах», зындгонд «Фатимæ». Стыр мастеры тыххæй видеоанонстæ ныридæгæн арæзт æрцыдысты Екатеринбурджы æмæ Мæскуыйы. Дыууæ хатты дæр, фестиваль «Урал-Кавказ: связующие нити. Осетинские параллели»-йы программæ æххæст кæнгæйæ. Уым ма фенæн уыд кинонывтæ «Имена. Борис Галаев. Память о самих себе» æмæ «Привычка». Мадзалы уазджытæ ма базонгæ сты цымыдисаг равдыстимæ. Фенæн дзы ис Галаты Барисы цард æмæ сфæлдыстадимæ баст хуызистытæ. Изæр йæ курдиатæй саив кодта аивæдты лицейы адæмон инструментты ансамбль «Дала-фандыр».
