Бакуыстой йыл Рафаэль Гаспарянц æмæ Туаты Теминæ
Дзæуджыхъæуы Кинойы хæдзары уыд документалон кинонывы премьерæ. Бакуыстой йыл Рафаэль Гаспарянц æмæ Туаты Теминæ. Кинолентæ дзурæг у Иосиф Бродскийы æмæ хуссарирыстойнаг дыууæ хойы Абайты Зарæ æмæ Дианæйы ахастдзинæдты тыххæй. Документалон ныв «Две сестры и поэт» фыццаг хатт равдыстой ивгъуыд азы октябры Хуссар Ирыстоны. Сæйраг хъайтар у Абайты Зарæ йæхæдæг. У иунæг дæнцæг уыцы цаутæн. Кинонывы режиссер у Рафаэль Гаспарянц, продюссер Туаты Темина, оператор Михаил Немысский. Съемкæтæ цыдысты Хуссар Ирыстоны æмæ Мæскуыйы. Иуæй-иу æрмæджытæ та райстой Вильнюсы æмæ Английы. Туаты Теминæ куыд загъта, афтæмæй сæ ацы кинонывæй фæндыди дунейы историмæ ирыстойнаг интеллигенцийы минæвæртты бахæссын. Кинолентæ ратæлмац кæндзысты англисаг æвзагмæ æмæ архайдзæн алыхуызон фестивальты. Зæгъдзыстæм ма уый дæр, æмæ ацы аз Нобелы премийы лауреат Иосиф Бродскийыл æххæст кæны 80 азы.
