Систой йæ завод «Электроцинчы» хауæццæгты цур, уыдон уыдысты декорацитæ.
Дзæуджыхъæуы кинойы хæдзары уыд цæгатирыстойнаг фыццаг наукон-фантастикон нывы презентаци. Цыбыргонд кинойæн ис даргъ ном «Зачем новому федеративному альянсу нужен старый военный робот?». Систой йæ завод «Электроцинчы» хауæццæгты цур, уыдон уыдысты декорацитæ. Зæгъын хъæуы уый æмæ 2 азы размæ ацы ныв æвдыст уыд америкаг фестивалы, уым рамбылдта сæрмагонд приз. Куыд сæмбæлдыста ирыстойнаг аивад уарзджытæ Артур Омаров æмæ йæ æртхæрдты куыстыл, уый тыххæй нæ дарддæры æрмæг.
Дæрддзæф фидæн Электроцинчы зианхæссæг хауæццæгты. Зæрдæриссæн декорацитæ ссарын зын нæ уыд. Æрыгон режиссер Артур Омарæвæн бантыст цардмæ йæхи цæстæнгас равдисын. Йæ уарзон жанры фæрцы фарстатæ дæтты нырыккон æхсанады минæвæрттæм.
Инюны æнтæф бон æмæ ноябры уазæлттæ. Киноныв истой зынуавæрты æмæ зынвадæтты. Йæ хъайтартæ канд кинонывы фæразон нæ разындысты, фæлæ царды дæр. Иу бонмæ истой цалдæр сценæйы.
«Зачем новому федеративному альянсу нужен старый военный робот?» ацы фарстайæн Артуримæ дзуапп агуырдтой Артуры йæ хæлæрттæ, актерты бæсты хумæтæг адæм, телеуынынады оператортæ. Сценæйы алы кадр дæр раздæр рахастой гæххæтмæ. Цымыдисаг кадр сисыныл сын æххуыс уыдысты æгомыг, фæлæ æргом декорацитæ сæхæдæг дæр.
Кинонывы премьерæ уыд америкаг фестивалы 2017-æм азы. Ам сси бакастыты лауреат. Уый фæстæ архайдта егъау фестивальты. Йæ автор рамбылдта ахæм хæрзиуджытæ куыд «Хуыздæр сценарий», «Хуыздæр ныв», «Актеры хуыздæр куыст». Ирыстойнаг режиссеры куыст фæбæрæг кодта Нобелы лауреат физикæйæ Кип Торн дæр
Дзæуджыхъæуы кинойы хæдзары ацы нывæн уыд премьерæ. Сараздзысты ма йын онлайн-презентаци дæр. Ныртæккæ йæ автортæ ныхас кæнынц стыр интернет ресурсимæ. Æвдыст цæудзæн фантастикæйы жанры.
