Йæ домæнтæ æххæсткæнгæйæ нæ республикæмæ ссыдысты радологийы национ медицинон-иртасæг центры специалисттæ
Куыд ма уын хъусын кодтам, афтæмæй Дзæуджыхъæуы кусы æппæтуæрæсеон информацион-рухстауæн проект «Онкопатруль». Йæ домæнтæ æххæсткæнгæйæ нæ республикæмæ ссыдысты радологийы национ медицинон-иртасæг центры специалисттæ. Сæ балцы нысан у æхсæнады æргом онкологийы низтæм раздахын æмæ сæ разæнгард кæнын низ рагацау раиртасынмæ. Ацы хатт дохтырты æркаст ацæудзысты 300 адæймаджы. Дыууæ боны специалисттæ æркаст кæнынц куыд сылгоймæгтæн, афтæ нæлгоймæгтæн дæр. Мадзалы программæмæ гæсгæ нæ республикæйы ацæудзæнис онкологты цыппæрæм наукон-практикон кноференци. Нæ республикæ нымад у, Онкопатруль кæм уыдис, уыцы дыууын фæндзæм регионыл. Онкопатрулы дыккаг бон Дзæуджыхъæуы 4-æм поликлиникæйы æрæмбырд сты онкологтæ, хирургтæ, урологтæ, маммологтæ æмæ гинекологтæ. Республикон æмкусджытæн скодтой дæсныйадæвдисæг ахуыртæ. Консультацитæ скодтой 300 адæймагæн. Медицинон кусджыты хъуыдымæ гæсгæ, ахæм æмгуыстадæн æнæмæнг уыдзæн хорз хатдзæгтæ.
