Транспорт æлхæд æрцыди лизинджы бадзырды фæлгæты
Дзæуджыхъæуы маршрутон линимæ рацыдысты ног автобустæ. Транспорт æлхæд æрцыди лизинджы бадзырды фæлгæты. Автобусты иу хай ифтонггонд сты нырыккон кусæнгæрзтæй. Цæмæй сæ инвалид адæм æнцонæй пайда кæной, уый тыххæй дзы ис сæрмагонд схизæнтæ. Машинæты ис уазалгæнæн системæ, видеоцæстдарды камерæтæ, электрон табло, тахографтæ, онлайн форматы фæндаггаг бафидыны терминалтæ. Горæты автопарк ног кæнынц æхсæнадон транспорты модернизацийы программæйы фæлгæты. Афæдзы кæронмæ ма балхæндзысты 32 автобусы. Фыццаг бæлццæттæ фæнысан кодтой горæты ног транспорт адæмæн удæнцойдзинад кæй у, уый. Ацæргæ адæмæн ахсджиаг у, автобусмæ схизæнтæ бынноз кæй сты, уый. Дзæуджыхъæуы цæрджытæ ма фæнысан кодтой фæндаггаджы ныллæг аргъ дæр – æдæппæтæй 13 сомы.
