Кадджын мадзал уыд Уататы Бибойы уынджы, хъæбатыр цы хæдзары царди, уый къулыл
Дзæуджыхъæуы мемориалон фæйнæг байгом кодтой Советон Цæдисы хъæбатыр Уæлдæфон–десантон æфсæдты гвардийы булкъон Калоты Георгийæн. Кадджын мадзал уыд Уататы Бибойы уынджы, хъæбатыр цы хæдзары царди, уый къулыл. Калоты Георгий уыд знаджы фæсчъылдыммæ сæрмагонд сгарæг къорды командæгæнæг, стæй ахуырадон æмæ мысанæхсæг батальонты командгæнæг. Хæсты фæстæ дарддæр службæ кодта уæлдæфон–десантон æфсæдты. Уыд 381-æм, стæй 350-йæм парашютон– десантон полчы командæгæнæг. 1973-æм азы запасмæ ацыд булкъонæй. Мемориалон фæйнæг байгом кæныны кадджын мадзалы архайдтой сыхаг республикæты æфсады службæгæнджытæ, Фыдыбæстæйы Стыр хæсты ветерантæ, хъæбатыры хæстæджыты, æхсæнадон организаци «Хæстон æфсымæрад»-ы минæвæрттæ, стæй Дзæуджыхъæуы æхсæнад. Проекты автор у Дзебойты Станислав.
