Аринæйыл нырма цæуы 10 азы, фæлæ ныр дæр йæ курдиат ирдæй раргом
Ахорæнты æмæ техникæты алы хуызтæ. Стæй ма сæм бафтау сывæллоны фантази. Æппæт ацы дæнцæгтæ фенæн ис æвзонг нывгæнæг Габеты Аринæйы куыстыты равдысты. Байгом Дзæуджыхъæуы нотæты библиотекæйы. Аринæйыл нырма цæуы 10 азы, фæлæ ныр дæр йæ курдиат ирдæй раргом. Равдыстмæ бацæттæ кодта 10 нывæй фылдæр. Се ппæт дæр баст сты Аланийыл саргъуыды 1100 азы бонимæ. Куыстыты фенæн ис библийæ ист темæтæ, сыгъдæг удты сурæттæ, стæй Цæгат Ирыстоны аргъуанты нывтæ. Аринæ куыд радзырдта, афтæмæй экспозици саразыныл рагæй куыста. Æппæтæй ахсджиагдæр ын уыди йе сфæлдыстады гæнæнтæ равдисын. Йæ уарзондæр ныв та у – Яблочный спас. Габеты Аринæ ахуыр кæны аивæдты лицейы нывкæнынады хайады. Æвзонг нывгæнæгæн раарфæ кæнынмæ æрбацыдысты йе мкъласонтæ, хоры зарæггæнджытæ æмæ музыканттæ.
