Ног азмæ ма баззад 2 къуырийæ чысыл фылдæр, республикæйы сæйраг горæты фæзындысты рухстыты инсталляцитæ æмæ аивгонд заз бæлæстæ
Дзæуджыхъæуы ныридæгæн дæр банкъарæн ис, кæмæ фенхъæлмæ кæсынц, уыцы бæрæгбоны уддзæф. Ног азмæ ма баззад 2 къуырийæ чысыл фылдæр, республикæйы сæйраг горæты фæзындысты рухстыты инсталляцитæ æмæ аивгонд заз бæлæстæ, барæсугъд кодтой Сабырдзинады проспект æмæ сæйраг уынгтæ. Бæрæгбонмæ цæттæ кæныны тыххæй – не сфæлдыстадон къорды æрмæг.
Бæрæгбоны æвдисæнтæ сындæггай фæзындысты Дзæуджыхъæуы уынгты. Ленины фæзы та æвæрд æрцыд Ног Азы заз бæлас. Сауыгътой йыл рухсыты инсталляцитæ. Республикæйы сæйраг заз бæлас традицимæ гæсгæ сæвæрдзысты Сæрибардзинады фæзы. Ныр ма уал æй *взарынц æппæт бæлæсты *хсæн. Горæты администрацийы культурæйы управленийы сæргълæууæг Мæрзойты Русланы ныхæстæм гæсгæ, сæрмагонд къамис кæсы æрмæст бæласы асмæ нæ, фæлæ йæ кондмæ, йæ хихты хуызмæ æмæ цас бæзджын сты, уымæ.
Ног азмæ цæттæ кæныны куыстыты фæархайынц бирæ адæм. Монтажгæнджытæ сæмбырд кæнынц æфсæйнагæй конструкцитæ, электрикты руаджы та ссудзынц мингай рухсгæнæнтæ. Специлисттæй алчидæр иу стыр хъуыддагмæ зæрдиагæй хæссы йе *ххуысы хай. Сæ ныхæстæм гæсгæ, сын æхсызгон у цæрджыты æнкъарæнтæ уынын. Адæм цымыдисæй кæсынц, горæты иу бонæй иннæмæ бæрæгбоны рухсытæ фылдæр фылдæр кæй кæныц, уымæ. Ног азы аивгæнæнтæ сæ зæрдæмæ цæуынц куыд бынæттон цæрджытæн, афтæ республикæйы уазджытæн. Мит ма куы æруарид, уæд бæрæгбоны æнкъарæнтæ фæирддæр уаиккой, зæгъынц адæм.
25 декабры Сæрибардзинады фæзы сæвæрдзысты республикæйы сæйраг заз бæлас. Фæзындзысты дзы бæрæгбоны иллюминацитæ дæр. Æмæ ацы бынат суыдзæн адæмæн хъæлдзæгдзинад хæссæг.
