Аразджытæ чысыл пациенттæн цæттæ кæнынц æнцонвадат медицинон куыстуат нырыккон ифтонггæрзтимæ æмæ хъæддзаумаимæ
Дзæуджыхъæуы нысангонд фæткæй раздæр æххæстгонд цæуы сывæллæтты 3-æм поликлиникæйы бындурон цалцæг. Аразджытæ чысыл пациенттæн цæттæ кæнынц æнцонвадат медицинон куыстуат нырыккон ифтонггæрзтимæ æмæ хъæддзаумаимæ. 40 азæй фылдæр бæстыхаймæ бындуронæй зылд нæ уыд. Куыстытæ куы фæуой, уæд поликлиникæйы иу радмæ сæ бон балæггад кæнын уыдзæн 500 адæймагæн. Бæлвырддæр радзурдзæн Хъайтмазты Дзерассæ.
Дзæуджыхъæуы сывæллæтты 3-æм поликлиникæйы бæстыхай 42 азмæ иу хатт дæр цалцæггонд нæ уыд. Уыцы рæстæгмæ кæлæддзаг уавæрмæ æрцыд, зæгъы сæйраг дохтыры хæстæ рæстæгмæ æххæстгæнæг Таутиаты Ольгæ. Арæзтадон куыстытæм бавнæлдтой уалдзæджы райдиан. Цалынмæ поликлиникæ нæ кусы, уæдмæ самал кодтой медицинон æххуыс кæныны рæстæгмæ пункт. Таутиаты Ольгæйы ныхæстæм гæсгæ, ахсджиаг уыд бацархайын, цæмæй адæмæн медицинон лæггæдтæй æххæстæй пайда кæныны уавæртæ уа, ууыл.
Таутиаты Ольгæ – Дзæуджыхъæуы сывæллæтты 3-æм поликлиникæйы сæйраг дохтыры хæстæ рæстæгмæ æххæстгæнæг: “Мы долго ждали, конечно, поликлиника не ремонтировалась долгие годы. Наконец-то начался наш долгожданный капремонт. Мы находимся в плотном взаимодействие с нашими строителями, подрядчиками они идут буквально на все условия, которые мы им ставим, просьбы все наши выполняются. Будем надеяться на скорейшее завершение капремонта и въезд в прекрасную, новую, хорошую, комфортную детскую поликлинику”.
Демонтажон куыстытæ æххæстæй конд æрцыдысты. 3-аг уæладзыджы сæвæрдтой ног рудзгуытæ, хъармгæнæн системæ, бауагътой æппæт инженерон коммуникацитæ. 1-аг æмæ 2-аг уæладзгуыты ацы куыстытæ нырма разæй сты.
Сног кæндзысты пъадвалон агъуыстытæ дæр. Бындурон цалцæджы фæстæ дзы фæнд кæнынц рынчынты медицинон картæтæ дарæн бынат скæнын. Прораб Дзаттиаты Владимиры ныхæстæм гæсгæ, цалцæг цæуы нысангонд фæткæй раздæр. Боныхъæд хорз у, æмæ арæзтадон куыстытæ æххæст кæнын ницы хъыгдары.
Бындурон цалцæг конд цæуы нацпроект «Æнæниздзинадхъахъхъæнынад»-ы программæ æххæстгæнгæйæ. Иннæ аз ма уыцы программæмæ гæсгæ фæнд кæнынц горæты сывæллæтты 2 поликлиникæмæ базилын.
Бындурон цалцæг хъуамæ фæуой 2025-æм азы кæрон. Фæлæ куыстытæ нысангонд фæткæй раздæр æххæстгонд кæй цæуынц, уымæ гæсгæ, гæнæн ис, æмæ аивгонд поликлиникæ йæ дуæрттæ байгом кæндзæн ацы азы кæрон.
