Уæвгæ та, сезоны кæронмæ фæнд кæнынц мин бæласы æмæ декоративон къутæры ныссадзын.
Дзæуджыхъæуы ныссагътой бирæ тала бæлæстæ. Горæты уынгтæ саив уыдзысты 106 кæрз бæласæй. Амæй размæ, Ростовскийы æмæ Ленины уынгты цы аварион бæлæстæ акалдтой, уыдоны бæсты ныссагътой 30 талайы. Дзæуджыхъæуы бынæттон администрацийы мониторинг скодтой горæты территорийы цъæх фæлыстæн, æмæ сарæзтой, ног бæлæстæ цы пъланмæ гæсгæ саддзысты, ахæм. Уыимæ, хынцынц горæты цæрджыты хъуыдытæ æмæ фиппаинæгтæ дæр. Уæвгæ та, сезоны кæронмæ фæнд кæнынц мин бæласы æмæ декоративон къутæры ныссадзын. Специалисттæ куыд зæгъынц, афтæмæй Ирыстоны климæт æмæ хъарм зымæг фадат дæттынц, бæлæсты садзыны рæстæг фæдæргъвæтиндæр кæнынæн. Ацы уалдзæг ма Дзæуджыхъæуы уынгтæ сфидауын кæндзысты 9 сæдæ мин дидинæджы дæр. Æппæты стырдæр дидинджыты фæзтæ уыдзæн горæты фæлладуадзæн бынæтты æмæ Дзæуджыхъæумæ æрбацæуæнты. Зайæгойты сæрмагонд фæткмæ гæсгæ кæй садзынц, уымæ гæсгæ, дидинæг калдзысты æрæгвæззæгмæ. Хæстæгдæр рæстæг горæты клумбæты фæзындзысты фыццаг тюльпантæ, 350 мин быны ныссагътой фæззæджы.
