Уæрæсейы транспорты министрад февралы арвыста официалон фыстæг регионалон хицауадмæ, цæмæй æркæсой горæты транспортон системæмæ
Дзæуджыхъæуы парахат кæны электросамокаттæй пайдагæнджыты нымæц. Уæрæсейы транспорты министрад февралы арвыста официалон фыстæг регионалон хицауадмæ, цæмæй æркæсой горæты транспортон системæмæ. Ведомствæйы минæвæрттæ куыд зæгъынц, афтæмæй хуыздæр уаид, электросамокаттæн æмæ æндæр фæндаггон фæрæзтæн æрлæууæн бынæттæ куы уаид, уæд. Цы мадзæлттæ саразын хъæуы, цæмæй уыцы фарста лыггонд æрцæуа, уый тыххæй радзурдзæн Тъехты Элинæ.
Карздæр домæнтæ æмæ фылдæр цæстдард. Паддзахадон автоинспекци сарæзта рейд, цæмæй фæндаггон фæтк халджытæ иваргонд æрцæуой, уый тыххæй. Фæндаггон æдасдзинады тыххæй Тыджыты Тимур зоны алцыдæр. Куыд зæгъы, афтæмæй фæтк арæхдæр фæхалынц, 18 азæй къаддæр кæуыл цæуы, уыцы адæм.
Фæндæгтыл æдасæй цæуыны паддзахадон инспекцийы кусджытæн сæйраг сæрниз сты, 18 азæй кæстæр самокаттыл цæуджытæ.
Кæстæртæн электросамокаттæй пайда кæнын закъонмæ гæсгæ нæй. Фæлæ адæймаг сервисты регистраци куы скæна, уæд самокатты хицæутты бæрны нал уыдзæн.
Кадрты ис Дзæуджыхъæу. Раздæры арæзтадтæм гæсгæ фæндæгтæ арæзт нæ уыдысты машинæты ныхмæцыдæн дæр. Фарст – нæ горæт цæттæ у нырыккон транспортты хуызтæм æви нæ?
Кикшерингы лæггæдтæй пайдагæнджыты хыгъд æрмæст фарон дæр нæ регионы сырæзт 2 æнæхъæны æмæ 5 дæсæм хайы хатты. Æмæ цалынмæ электросамокаттæ нæ горæты парахат кæнынц, уæдмæ фистæгæйцæуджытæн сæ зындзинæдтæ кæнынц æрмæстдæр фылдæр.
Шофырты æмæ фистæгæйцæуджыты фарста алыг кæныныл архайы Дзæуджыхъæуы разамынд дæр.
Уæрæсейы транспорты министрад февралы арвыста официалон фыстæг регионалон хицауадмæ, цæмæй æркæсой горæты транспортон системæмæ. Ведомствæйы минæвæрттæ куыд зæгъынц, афтæмæй хуыздæр уаид, электросамокаттæн, сигвейтæн æмæ бирæ æндæр фæндаггон фæрæзтæн æрлæууæн бынæттæ куы уаид, уæд.
Электросамокатты хуызы транспортæй хъуамæ пайда кæной, зæгъæм, хæдзарæй цæмæй афойнадыл куыстмæ бахæццæ уой, уый тыххæй. Аирхæфсынмæ йæ куы райсай, уæд та дзы, статистикæмæ гæсгæ ис спайда кæнын æрмæстдæр 20 проценты онг. Кикшерингы хицæуттæ куыд зæгъынц, афтæмæй самокат æнтыстджынæй баивдзæн машинæйы. Уæдæ хорз сты экологийæн дæр. Æдасдзинады фарстатæ та алыг кæнæн ис администрацийы руаджы дæр. Ис сын фæндаггон змæлды домæнтæ.
Кикшерингы оператортæ фæнд кæнынц, электросамокаттæй пайдагæнджытæн саразын скъолатæ. Сервисты ахуыр кæндзысты фæндаггон культурæ æмæ этикæ.
Æрмæст дзырдæй фарста лыггонд не рцæудзæн. Уымæ гæсгæ æнхъæлмæ кæсдзыстæм ног закъонмæ.
