7-æм поликлиникæйы æрвылбон прививкæтæ скæнынц 3 сæдæ адæймагæй фылдæрæн
Куыд ис хи æмæ хиуæтты бахъахъхъæнын. Дзæуджыхъæуы поликлиникæты байгом кодтой вакцинацийы сæйраг пункттæ. 7-æм поликлиникæйы æрвылбон прививкæтæ скæнынц 3 сæдæ адæймагæй фылдæрæн. Прививкæ скæнын сæ бон у, кæй фæнды, уыдонæн се ппæтæн дæр. Уый тыххæй терапевтмæ хи ныффыссын нæ хъæуы. Адæймаг хъуамæ æрбацæуа вакцинацийы пунктмæ, баххæст кæна анкетæ æмæ терапевтмæ консультацимæ бацæуа. Вакцинæйы фыццаг компонент райсыны размæ хъуамæ адæймаг ацæуа медицинон æркаст. Вакцинæ дарынæн ис сæрмагонд фæтк. Ампулæтæ байгом кæнынц пациентты цур. Прививкæ скæнын кæй фæнды, уыцы адæмы нымæц кæны фылдæрæй-фылдæр. Уымæ гæсгæ, дохтыртæн æххуыс кæнынц медицинон академийы студенттæ. Хистæркурсонтæ адæмæн æххуыс кæнынц анкетæтæ баххæст кæнынæн. Вакцинацийы пункттæ кусынц райсомы 8 сахатæй изæры 20 сахаты онг. Уæлæмхасæн пункттæ хæстæгдæр рæстæг байгом уыдзысты республикæйы районты.
