14 января 2020, 12:02
Дзæуджыхъæуы политехникон техникумы арæзт æрцыди электрикты сæрмагонд къорд
Йæ хыгъды ис 15 студенты. Уыдон сты 3-æм æмæ 4-æм курсыты фæсивæд
Теорийæ – практикæмæ. Дзæуджыхъæуы политехникон техникумы арæзт æрцыди электрикты сæрмагонд къорд. Йæ хыгъды ис 15 студенты. Уыдон сты 3-æм æмæ 4-æм курсыты фæсивæд. Бригад кусы ахуыргæнджыты разамындæй. Студенттæн сæ зонындзинæдтæй спайда кæныны фадат фæцис техникумы. Фыццаг уал электриктæ бæстыхай сифтонг кодтой электрон тыхæй. Уый фæстæ йын йе ддаг бакастыл скодтой архитектурон рухсытæ. Студенттæн сæ къухы бафтыди стыр объекттыл бакусын дæр. Сæхицæн хорз ном скодтой планетарийы рацарæзты рæстæг дæр. Фæлтæрдджын специалисттимæ арæзтады снывыл кодтой электрон тыхдæттæг системæ.
темæмæ гæсгæ
