Ацы хатт дзы архайдтой республикæйы ахуырады æмæ наукæйы министрады, бизнес-æхсæнады минæвæрттæ, волонтертæ, æвзонг æфсæддонтæ
Дзæуджыхъæуы радон хатт арæзт æрцыд хæрзаудæн акци «Мах стæм иумæ». Ацы хатт дзы архайдтой республикæйы ахуырады æмæ наукæйы министрады, бизнес-æхсæнады минæвæрттæ, волонтертæ, æвзонг æфсæддонтæ. Гуманитарон æххуыс арвитдзысты Запорожьейы облæсты Черниговы районмæ. Бынæттон сывæллæтты рæвдауæндæттæн æмæ скъолатæн баласдзысты музыкалон колонкæтæ, мигæнæнтæ, электрогенератортæ, хæдзары хъæугæ техникæ æмæ уæлæдарæс. Уымæй дарддæр сæрмагонд æфсæддон операцийы зонæмæ баласдзысты хойраджы продукттæ, гигиенæйы фæрæзтæ æмæ ирон чъиритæ. Гуманитарон æххуыс сæмбырд кæныны тыххæй арæзт æрцыд хæрзаудæн армукъа. Архайдтой дзы республикæйы скъолатæ, Цæгат Ирыстоны цæрджытæ, æхсæнадон æмæ коммерцион организациты минæвæрттæ. Æппæт фæрæзтæй балхæдтой хъæугæ дзаумæттæ.
