Дзæуджыхъæу ногæй суазæг кодта Цæгат Кавказы, Хуссар Ирыстоны æмæ Абхазы национ театртæ
Арæнтæ кæмæн нæй, ахæм сценæ. Уыимæ канд географион арæнтæ нæ, фæлæ ма жанртæм гæсгæ дæр. Дзæуджыхъæу ногæй суазæг кодта Цæгат Кавказы, Хуссар Ирыстоны æмæ Абхазы национ театртæ. Афтæмæй райдыдта 9-æм театралон фестиваль «Сценæ æнæ арæнтæй». Актертæ уазджытæн равдыстой сæ спектакльтæй скъуыддзæгтæ. Форумы архайджытæ сæ арæхстдзинад равдисдзысты Евгений Вахтанговы номыл Уырыссаг академион æмæ Тæбæхсæуты Балойы номыл Ирон академион, стæй оперæ æмæ балеты театрты сценæйы. Алы труппæ дæр бацархайдта йæ хуыздæр куыст æрбаласыныл. Программæйы – национ авторты пьесæтæм гæсгæ постановкæтæ, стæй дунеон литературæйы классикты уацмыстæ. Фестивалæн хатдзæгтæ скæндзысты 8-æм ноябры. Национ театрты равдыстытæй дарддæр ма уыдзысты сфæлдыстадон фембæлдтытæ, дæсныйадæвдисæг ахуыртæ, цымыдисаг лекцитæ.
