Республикæйы арæзт цæуы 2-аг хатт
Дзæуджыхъæуы райдыдта æрыгон педагогты профессионалон конкурс «Класс». Республикæйы арæзт цæуы 2-аг хатт. Æдæппæтæй дзы архайдзысты алы къæпхæнты педагогтæ, æдæппæтæй 100-йы бæрц. Адих сæ кæндзысты 10 командæйыл. Уым æвдисдзысты сæ зонындзинæдтæ æмæ фæлтæрддзинад, тох кæндзысты кæ категориты хуыздæр суæвыныл. Алы командæйы дæр ис йæхи фæлтæрдджын разамонæг. Конкурс арæзт цæуы фæсивæды хъуыддæгты фæдыл агентады æмæ Президенты грантты фонды æххуысæй.
Ахуыргæнджытæм разæй æнхъæлмæ кæсы 4 мæйы ахадгæ куыст. Æрыгон педагогты архайдзысты дæсныйадæвдисæг ахуырты æмæ гом урокты, базонгæ уыдзысты сæ хистæр æмкусджыты фæлтæрддзинадимæ. Проекты сæрмагонд уазæг – педагогон наукæты кандидат Шалва Амонашвили. Кокурсы жюри – фæлтæрдджын педагогтæ, ахуырад æмæ наукæйы министрады специалисттæ. Сæ хъуыдымæ гæсгæ, нырыккон сывæллæттæн æнæмæнг хъæугæ сты ахуырады инновацион хуызтæ. Ахæм конкурстæ ахуырады æмвæзад нæ хуыздæр кæнынц, фæлæ ма æххуыс кæнынц ахуыргæнæг æмæ ахуырдзауы хсæн æмбæлгæ ахастдзинæдтæ фидар кæнын.
