Уазджытæн «Æгасцуай» загътой нæ бæстæйы алы регионты æрмдæсныты куыстыты равдыстæ
Дзæуджыхъæуы райдыдта национ культурæты æппæтадæмон инклюзивон фестиваль «Алтын Майдан-Алания». Уазджытæн «Æгасцуай» загътой нæ бæстæйы алы регионты æрмдæсныты куыстыты равдыстæй. Мадзалмæ æрбахуыдтой ахуырады æмæ наукæйы министр Алыбекты Эллæйы æмæ культурæйы министры хæдивæг Хъуыссæты Зæлинæйы. «Алтын Майдан» тæтæйраг æвзагæй ратæлмац кæнгæйæ нысан кæны «Сызгъæрин фæз». Фестивалы ном æвдисы мадзалы арф хъуыды. Ацы хæдбындурон фæзы кæрæдзийы культурæимæ базонгæ уæвыны нысанимæ баиу уыдзысты 400 архайæгæй фылдæр Уæрæсейы алы регионтæй стæй Казахстанæй. Конкурсы номинациты хсæн: этникон изæртæ, дæсныйадæвдисæг ахуыртæ, зарджытæ, адæмон хореографи æмæ афтæ дарддæр. Проекты программæ æххæст кæнгæйæ ма Дзæуджыхъæуы æфсæддон госпитæлы арæзт æрцæудзæн хæрзаудæн концерт «Сильные духом». Фестиваль цæудзæн 5-æм ноябрьмæ. Хатдзæгтæ та йын скæндзысты Цæллагты мыггаджы мæсгуыты комплексы.
