филиал вгтрк государственная телерадиовещательная компания “Алания”

Дзæуджыхъæуы райдыдта педагогон арæхстдзинады конкурс «Афæдзы педагог»-ы муниципалон къæпхæн. Архайдта дзы ахуырады къабазы 50 кусæгæй фылдæр. Конкурс цæуы 2 къæпхæнæй – «Афæдзы ахуыргæнæг» æмæ «Афæдзы хъомылгæнæг». Кадджын мадзал уыд горæты администрацийы. Алы архайæгмæ дæр æнхъæлмæ кæсы 3 фæлварæны. Номинаци «Афæдзы ахуыргæнæджы» уыдон уыдзысты: гом урок, фæсурочы ахуыр æмæ педагогон интервью – уымæ гæсгæ æрныхас кæндзысты инклюзивон æмæ бинонты ахуырады, стæй нацпроекттæ æххæст кæныны тыххæй. Хъомылгæнджыты та хъæудзæн жюрийæн равдисын педагогон æрхъуыдыдзинад, бацæттæ кæнын сывæллæттимæ мадзал, стæй педагогон интервью. Уæлахиздзаутæ рацæудзысты конкурсы регионалон къæпхæнмæ.