28 ноября 2024, 10:36
Дзæуджыхъæуы райдыдта поэзийы фыццаг æппæтадæмон фестиваль «Ирон фæндыр»
Баст у Хетæгкаты Къостайы райгуырды 165 азы бонимæ.
Архайынц дзы зындгонд литературон архайджытæ Уæрæсейы алы регионтæй. Фестиваль райдыдта сæрмагонд æмбырдæй. Æрныхас дзы кодтой, поэзимæ цы ахсджиаг фарстатæ хауы, уыдоныл. Дзырдтой, ахæм мадзæлттæ аразын цæмæн хъæуы, æмæ рæзгæ фæлтæры хъомыладæн цы пайда хæссынц, уый тыххæй. Конференцийы фæстæ фестивалы архайджытæ æмæ уазджытæ Ирон аргъуаны пантеоны сæвæрдтой дидинджытæ Хетæгкаты Къостайы ингæны цур. Æдæппæтæй ацы культурон цау ахæсдзæн 3 боны. Уазджытæ бабæрæг кæндзысты «Къостайы мемориалон хæдзар-музей», йæ райгуырæн хъæу Нар.
темæмæ гæсгæ
