Къуыри дыууæ боны мобилизацигонд адæмæн, бархионтæн, æфсæддонтæн, стæй æфсæддон компаниты кусджытæн сæ бон у медицинон æркаст кæнын
Дзæуджыхъæуы райдыдта сæрмагонд æфсæддон операцийы ветеранты диспансеризаци. Къуыри дыууæ боны мобилизацигонд адæмæн, бархионтæн, æфсæддонтæн, стæй æфсæддон компаниты кусджытæн сæ бон у медицинон æркаст кæнын. Диспансеризаци арæзт цæуы æнæниздзинадхъахъхъæнынады Министрады æмæ «Фыдыбæстæ хъахъхъæнджыты» республикон фонды хъæппæрисæй. Æфсæддонтæн сæ бон у иумæйаг анализтæ раттын, кардиограммæ, флюорографи скæнын æмæ специалисттимæ аныхас кæнын. Хæстон цауты ветерантæ сæ социалон координатортимæ æмæ медицинон персоналимæ ацæуынц неврологы, хирургы, сурдологы, травматологы, лор æмæ окулисты æркаст. Уыимæ – æнæ радæй. Куы бахъæуа, уæд сæ дарддæр арвитдзысты реабилитацимæ. Ахæм лæггæдтæ кæнынц æрмæстдæр Дзæуджыхъæуы æртæ поликлиникæйы: 1-æм, 4-æм æмæ 7-æмы. Республикæйы районты чи цæры, уыдонæн та радих кæнынц транспорт, æмæ сæ баласынц бынатмæ. Диспансеризаци цæудзæн æппынæдзухдæр.
