филиал вгтрк государственная телерадиовещательная компания “Алания”

21:55 среда, 16 июля 2025
17 июня 2025, 10:37
Дзæуджыхъæуы райдыдта сывæллæтты æфсæнвæндаджы ног сезон

Поездтæ йыл цæуынц 1968-æм азæй нырмæ

Дзæуджыхъæуы райдыдта сывæллæтты æфсæнвæндаджы ног сезон. Поездтæ йыл цæуынц 1968-æм азæй нырмæ. Ис ын профориентацион нысан. Сæ фидæн æфсæнвæндагимæ бабæттын цы скъоладзаутæ фæнд кæнынц, уыдонæн ам фадат ис дæсныйадимæ базонгæ уæвынæн. Сывæллæтты æфсæнвæндагыл абалц кодта не сфæлдыстадон къорд дæр. Ныхасы бар Чехойты Фатимæйæн.

Дзæуджыхъæуы сывæллæтты æфсæнвæндаджы истори Дзантиаты Сæрмæтæй хуыздæр иу скъоладзау дæр нæ зоны. Лæппу йæ хо Анжеликæимæ сæрдыгон каникултæ æрвитдзысты ам. Чызгæн йæ зæрдæмæ тынгдæр цæуы тепловозты макеттæ кæнын. Сæрмæт та 2-аг аз у экскурситæ аразæг. Фæнд кæны машинисты дæсныйад райсын.

Цæлхыты хъæрмæ сабитæ Сæрмæты ныхасмæ лæмбынæг хъусынц. Уый сын дзуры республикæйы сæйраг цæугæдон Терчы равзæрды тыххæй,  сывæллæтты æфсæнвæндагæн бындур дунейы фыццаг сылгоймаг-космонавт Валентина Терешкова кæй сæвæрдта, уый æмæ æндæр цымыдисаг хабæрттæ. Ацы аз æфсæнвадагæн у йæ 57-æм сезон. Æрвылбон ыл абалц кæнынц 400-йæ 600-йы онг адæймаджы. Йæ дæргъ у 2 мин æмæ *рдæг километрæй фылдæр,  æнахуыр нарæг та – йæ уæрх.

Сывæллæтты æфсæнвæндагæн ис профориентацион нысан. Машинисттæ, станцæты кусджытæ, фæндагмæ æмæ вагæттæм кæсджытæ – фидæны сæ цард æфсæнвæндагимæ сбæттын цы скъоладзаутæ фæнд кæнынц, уыдонæн ам базонгæ вæййынц дæсныйады сусæгдзинæдтимæ. Уыцы фæлтæрддзинад сын æххуыс вæййы профилон ахуыргæнæндæттæм бацæуынæн.

Уæрæсейы сывæллæттæн ис 25 æфсæвæндаджы. Уыдонæй бæстæйы хуссар хайы  – 2: Дзæуджыхъæуы æмæ Ростовы. Депо, станцæтæÆнусон арт æмæ Ногдзауты вагæттæ, иумæйаг электрон радхæссæн бынат  – Дзæуджыхъæуы сывæллæтты æфсæнвæндаг æххæст у хъæугæ æрмæгæй. Ам алы тепловозæн дæр ис йæхи истори.

Сывæллæттæн цымыдисаг у ног тагъдцæуæг тепловозтимæ зонгæ кæнын.  Саразынц сын сæ макеттæ, фæархайынц бæстæйы зонадон-техникон конкурсты. Нарæг æфсæнвæндаджы скъоладзаутæ райсынц арф  зонындзинæдтæ æмæ стыр фæлтæрддзинад.

vgtrk_alania
vgtrk_alania
vgtrk_alania
vgtrk_alania