Специалисттæ консультацитæ кæндзысты, се нæниздзинад хъыгдард кæмæн у, уыцы сывæллæтты ныййарджытæн, ахуырадон организациты минæвæрттæн
Йе нæниздзинад хъыгдард кæмæн у, уыцы сывæллæтты ахуырадæн æххуыс, сæ ныййарджытæн методикон амындтытæ æмæ профилон педагогтæ. Дзæуджыхъæуы райдыдта, Уæрæсейы ахуырады академи «Детство равных возможностей»-ы коррекцион педагогикæйы институты къуыри. 5 боны дæргъы раззагдæр специалисттæ, наукæты доктортæ æмæ кандидаттæ консультацитæ кæндзысты, се нæниздзинад хъыгдард кæмæн у, уыцы сывæллæтты ныййарджытæн, ахуырадон организациты минæвæрттæн. Экспертон сесситæ, гом лекцитæ æмæ дæсныйадæвдисæг ахуыртæ. Мадзæлтты программæ стыр у. Йæ аразджытæ куыд загътой, афтæмæй сæйраг нысан у, наукон бакуыстыты популяризаци æмæ бынæттон специалистты куысты хæрзхъæддзинад бæрзонддæр кæнын.
