Хистæркъласонтæ ерыс кæнынц физикæйæ, химийæ, биологийæ, математикæйæ æмæ информатикæйæ
Дзæуджыхъæуы разамынды институты райдыдта Цæгат Кавказы IV интеллектуалон олимпиадæ «Кредо – знание». Хистæркъласонтæ ерыс кæнынц физикæйæ, химийæ, биологийæ, математикæйæ æмæ информатикæйæ. Уæлахиздзау суыдзæн, æппæт предметтæй фылдæр баллтæ чи æрæмбырд кæна, уый. Уымæй дарддæр схорзæхджын кæндзысты предметон олимпиадæты уæлахиздзауты. Ацы аз олимпиадæйы комкоммæ туры архайынц 40 скъоладзауы Хуссар æмæ Цæгат Ирыстонæй, Абхазæй стæй Цæгат Кавказы федералон зылды æппæт республикæтæй. Алы регионæй дæр иу командæ, æмæ дзы 5 адæймаджы. Уымæй дарддæр алы командæйы ис ахуыргæнæг, уый у командæйы капитан дæр. Олимпиадæйы хатдзæгтæ скæндзысты абон. Кад кæндзысты уæлахиздзаутæн дæр. Наукон форум саразæг у – ахуырадæн æххуысы Фонд «Кредо-знание».
