филиал вгтрк государственная телерадиовещательная компания “Алания”

08:37 суббота, 26 июля 2025
19 июля 2025, 10:48
Дзæуджыхъæуы реконструкцигонд цæуы Юрий Гагарины номыл сквер

Ныртæккæ специалисттæ базылдысты ног фистæгæйцæуæн фæндæгтæм

Дзæуджыхъæуы реконструкцигонд цæуы Юрий Гагарины номыл сквер. Ныртæккæ специалисттæ базылдысты ног фистæгæйцæуæн фæндæгтæм. Уый фæстæ бавналдзысты рухсытæ æвæрынмæ æмæ сæххæст кæндзысты цъæх фæлысты куыстытæ. Ацы хъуыддаг æххæстгонд цæуы программæ «Аивдзинад æмæ цъæх фæлыст»-мæ гæсгæ. Бæлвырддæр радзурдзæн Хъайтмазты Дзерассæ.

Нырма уал Юрий Гагарины номыл скверы рæсугъддзинад бæрæг нæ дары. Ис дзы экскаватор, КАМАЗ, арæзтадон æрмæджытæ æмæ траншеятæ. Фæлæ сæрмагондæй ацы къæпхæны æххæстгонд цæуынц æппæтæй ахсджиагдæр куыстытæ. Бирæ азты сквермæ зылд нæ уыд. Цалцæггæнæн куыстытæм бавнæлдтой 2018-æм азы.

Реконструкцийы фыццаг къæпхæны специалисттæ сæвæрдтой уынджы рухсытæн ног телтæ, бацæттæ кодтой фæндæгты бындур. Систой ма зæронд асфальт æмæ сæвæрдтой ног бандæттæ æмæ урнæтæ. Фæзындзæн дзы сывæллæттæн нырыккон хъазæн фæз. Ныридæгæн базылдысты ног фистæгæйцæуæн фæндæгтæм. Ныр кусджытæ æвæрынц брусчаткæ. Хæстæгдæр рæстæг бавналдзысты уынты цырæгъты монтажмæ, бордюртæ æвæрынмæ. Хъæуы байтауын газон дæр.

Ныртæккæ объекты фæллой кæны 10 адæймаджы æмæ уæззау техникæйы 2 иуæджы. Уыцы иу рæстæг специалисттæ бæрæг кæнынц бæлæсты уавæр. Мониторингы фæстæ рахæсдзысты, акалын кæй хъæуы, стæй ныууадзын æмæ базилын цы бæлæстæм хъæуы, уый уынаффæ.

Дыгуры Руслан, Уаццаджы мастер: “Да данный момент у нас сейчас установлен спортивный комплекс и будет футбольное поле, согласно проекту на данном объекте. Проблем у нас никаких не было на данном участке, все идет согласно плану и графика. Работы будут завершены по графику, пока мы укладываемся во все сроки ”.

Цалцæггæнæн куыстытæ æххæстгонд цæуынц муниципалон программæ “Аивдзинад æмæ цъæх фæлыст”-мæ гæсгæ æмæ фæуыдзысты августы. Иннæ аз ма ам фæнд кæнынц арт-объекттæ сæвæрын.

 

 

vgtrk_alania
vgtrk_alania
vgtrk_alania
vgtrk_alania