Ацы транспорты хуыз нымад у рагондæртæй иуыл
Дзæуджыхъæуы рельсытæм рацыд 14-æм цалцæггонд трамвай. Ацы транспорты хуыз нымад у рагондæртæй иуыл. Бæлццæттæ йæ кæддæриддæр уарзтой. «Владтрамвай»-ы кусджытæ æппæт 14 вагоны сцалцæг кодтой сæхи хъарутæй. Трамвайты салонты сног кодтой бандæттæ, рухсгæнæнтæ, алцыдæр аивтой ногтæй. Цалцæггæнæн куыстытæ цæуынц дарддæр. Ныр та Дзæуджыхъæуы депойы лæууы дыууæ трамвайы. Бæлвырддæр радзурдзæн Касаты Наирæ.
Линимæ ног хуызы. Валентина Якубовская трамвайы шофыр у 10 азæй фылдæр. Зæронд вагонтыл сахуыр. Фæлæ, Валентина ног цалцæггонд трамвайыл куы сбадти, уæд ын йæ куыст дæр хæссын райдыта ног рæсугъд æнакърæнтæ.
Ацы æмæ ма ноджыдæр 13 вагоны сты 90-æм азы уагъд. «Владтрамвай»-ы кусджытæ сæ сцалцæг кодтой сæхи хъарутæй. 6 специалситы депойы æмбисæн реконструкци скодтой 3 азмæ. Трамвайты салонты сног сты бандæттæ, рухсгæнæнтæ, алцыдæр аивтой ногтæй. Трамвайтæ цæуын райдыдтой бирæ фæлмæндæр. Цалцæггæнæн куыстытæ цæуынц дарддæр. Алкæмæндæрдзы рæстæгæй рæстæгмæ скæнынц техникон æркаст. Ныр дæр депо-йы ангары лæууы дыууæ трамвайы.
Вагæттæ сцалцæгкæнын къухы бафтыд æнæ горæты администрацийы æххуысæй. Фæрæзтæ радтой меценаттæ. Профилон куыстуатæн ахæм рацарæзтæн хъуыдаид 10 хатты фылдæр фидын. Хи лæггæдтæ æххуыс сты куысты хæрзхъæддзинадæн, уыимæ билеты аргъ ма фæбæрзонддæр кæнгæйæ.
«Владтрамай»-ы кусджытæ кæнынц амæй фæстæмæ дæр вагæттæ цалцæг кæныны фæнд. Базилдзысты æфсæнвæндæгтæм дæр. Алы аз дæр иу уаддзагмæ базилынц бындуронæй. Октябрьмæ Къостайы проспекты тамвайты фæндаг сног кæндзысты æххæстæй.
