Экспозици баст у Кавказ суæгъд кæныны тохы 80 азы бонимæ
Дзæуджыхъæуы Сабырдзинады проспекты байгом хуызистыты равдыст «Ирыстоны нывгæнджытæ хæсты тыххæй». Экспозици баст у Кавказ суæгъд кæныны тохы 80 азы бонимæ. Къамты фенæн ис, нывгæнджытæ: Хохты Аслæнджерийы, Дзанайты Азанбеджы, Владимир Лермонтовы, Василий Лакисовы æмæ Арсентий Румянцевы графикон куыстытæ. Се ппæт дæр конд æрцыдысты 1943-æм азы, знаджы куыддæр Ирыстонæй атардтой, афтæ. Уæд автортæ уыдысты сæрмаогнд бригадты хыгъды. Æмбырд кодтой, нæ республикæйы территорийы немыцаг фашисттæ цы æгъатыр митæ кодтой, уыдон æвдисæг æрмæг. Ацы хуызистæн ис стыр ахадындзинад æмæ аргъ. Фыццаджыдæр уымæй, æмæ конд æрцыдысты хæсты бонты. Æцæгæй æвдисынц 1942-æм азы фæззæджы уазал æмæ зæрдæнкъуысæн рæстæг.
