Æмæ та нæ республикæйы цæрджыты уарзондæр æмæ рагондæр транспорты хуыз абалц кодта горæты сæйраг уынгыл
Дзæуджыхъæуы Сабырдзинады проспекты ногæй райдыдтой трамвайтæ цæуын. Æмæ та нæ республикæйы цæрджыты уарзондæр æмæ рагондæр транспорты хуыз абалц кодта горæты сæйраг уынгыл. Электротранспорты куыст сног кодтой, Байаты Чермены æмæ Гаппойы уынгты цалцæг кæй фæци, уымæ гæсгæ. Ацы уаццæгты баивтой трамвайты рельсытæ, сæвæрдтой дзы асфальт. Зæгъдзыстæм ма уый дæр, æмæ трамвай цæудзæн йæ раздæры маршрутыл, Сабырдзинады проспекты æмæ æфсæнвæндаджы вокзалы уылты. Дзæуджыхъæуы администрацийы кусджытæ сидынц шофыртæм, цæмæй уой къæрцъхъусдæр æмæ сæ машинæтæ трамвайты фæндæгтыл мауал уадзой. Хæстæгдæр бонты Баййаты Чермены æмæ Баййаты Гаппойы уынгты кусдзæн эвакуатор.
