Ардонскийы уынджы рацарæзт нымад у æппæтæй егъаудæрыл
Дзæуджыхъæуы сæ тæмæны сты фæндæгтæ цалцæггæнæн куыстытæ. Ардонскийы уынджы рацарæзт нымад у æппæтæй егъаудæрыл. Ныртæккæ специалисттæ архайынц Кольбусы æмæ Барбашовы уынгты хсæн. Хуыздæрырдæм ивддзинæдтæ æрцыдысты Весеннийы уынджы хæдзæртты кæртыты дæр. Æдæппæтæй та Дзæуджыхъæуы федералон æмæ регионалон программæты фæрцы 35 уынджы баивдзысты асфальт. Куыстытæ хъуамæ фæуой 1-æм сентябрьмæ. Бæлвырддæр – Гуытъиаты Алинæ.
Ардонскийы уынджы рацарæзт нымад у, ацы аз цы куыстытæ сараздзысты, уыдонæн сæ егъаудæрыл. Фæндаджы æмбæрзт ам фæстаг хатт баивтой 2006-æм азы. Уæдæ зæрдæхсаинаг сты доны хæтæлтæ дæр. Æртæ километры йæ дæргъ кæмæн у, уыцы уаццаджгы баивдзысты магистралон хыз æмæ хæдзæрттæм дондзæуæн хæтæлтæ. Фæндаггон куыстытæ цæуынц æдас æмæ хæрзхъæд фæндæгты программæ æххæст кæнгæйæ. Ныртæккæ специалисттæ архайынц Кольбусы æмæ Барбашовы уынгты хсæн.
Ай та Весеннийы уынджы уаццаг у. Йæ дæргъ у километр. Асфальты быннаг хай ныридæгæн æвæрд æрцыдис. Ныртæккæ ма кусынц фистæгæйцæуæн фæндæгтыл æмæ уал дзы ныридæгæн сæвæрдтой бордюртæ.
Специалистты хъуыдыдмæ гæсгæ куыстытæ цæуынц нысангонд фæткмæ гæсгæ. Объект ратдзысты сæрды кæронмæ. Уæдмæ фæуыдзысты Гæдиаты Цомахъы уынджы цы куыстытæ цæуынц, уыдон дæр. Фæндаггон кусджытæ куыд зæгъынц, афтæмæй дзы бирæ архайд нæй, фæлæ фылдæр æргом аздахдзысты фистæгæйцæуæнтæ æмæ доны хæтæлтæм.
Хæрзвадат æмæ æнцонархайд горæты тыгъдады программæйы фæрцы ацы аз саив кæндзысты æхсай фондз бирæуæладзыгон хæдзары кæрты. Зæгъæм, Весеннийы уынджы æртыккæгæм хæдзары кæрт ныридæгæн дæр хуыздæрырдæм ивы. Æвæрынц ног бордюртæ, аразынц пандустæ, тагъд рæстæг та дзы сæвæрдзысты рухсгæнæнтæ æмæ бандæттæ. Æдæппæтæй та Дзæуджыхъæуы федералон æмæ регионалон программæты фæрцы æртын фондз уынджы баивдзысты асфальт. Куыстытæ хъуамæ фæуой фыццæгæм сентябрьмæ.
