Дыууæрдæм сæ ивдзысты Горькийы уынгæй Мордовцевы уынджы онг
Дзæуджыхъæуы сæйраг фистæгæйцæуæн фæндагыл райдыдтой трамвайты рельсытæ цалцæг кæнын. Дыууæрдæм сæ ивдзысты Горькийы уынгæй Мордовцевы уынджы онг. Кусджытæ уал райдыдтой къахвæндаджы къæйдуртæ исын. Сæвæрдтой дзы экскаватор. Фæндæгтæ аразыны фонды специалисттæ куыд зæгъынц, афтæмæй ацы уаццагыл уыд бирæ къахыртæ, рельсытæ нал бæззыдысты. Куыстытæ нысан кæнынц афæдзы кæронмæ фæуын. Уымæ гæсгæ дыккæгæм æмæ дæсæм маршруты трамвайтæ цæудзысты рæстæгмæ фæткмæ гæсгæ. Ома Къостайы проспектæй ОЗАТЭйы онг. Дзæуджыхъæуы администраци хатыр куры горæты цæрджытæй, æмæ куры, цæмæй иугыццыл бабыхсой. Уымæй дарддæр трамвайты фæндаг баивын нысан кæнынц Дзанайты Иваны уынгæй Штыбы фæзы онг. Цалцæггæнæн куыстыты радон къæпхæн та райдайдзæн 2020-æм азы. Рельсыты хсæн сæвæрдзысты гранит. Æдæппæтæй цалцæггæнæн куыстытæ цæудзысты 1 километры уаццагыл.
