филиал вгтрк государственная телерадиовещательная компания “Алания”

Фæндаггон змæлды æдасдзинады нысаниуæгимæ, Национ проект «Æдас æмæ хæрзхъæд автомобилон фæндæгтæ» æххæст кæнгæйæ, Дзæуджыхъæуы сæйраг уынгты рацарæзтой светофортæ. Доваторы проспект æмæ  Гæдиаты Цомахъы номыл уынджы  тигъыл  баивтой зæронд светофор нырыкконæй – светодиодныйæ.  Гæдиаты Цомахъы номыл уынджы сæрты ахизæнты та сæвæрдтой фæндаггон нысантæ æмæ уæлæмхасæн гæнæнтæ фистæгæйцæуджытæн. Ахæм куыстытæ ма бакодтой Дзержинскийы æмæ Ардонскийы уынгты дæр. Лев Толстойы æмæ Къесаты Астаны номыл уынгты та фæндаггон кусджытæ сраст кодтой фæндаджы уæлцъар, сæвæрдтой цырæгътæ æмæ сног кодтой хæххытæ.