Ведомствоты хсæн арæзт къамисмæ бацыдысты фæлхасадмæ цæстдарды Управленийы специалисттæ, мидхъуыддæгты министрады æмæ Уæрæсейы национ гвардийы кусджытæ
Дзæуджыхъæуы санитарон-эпидемиологон домæнтæ куыд æххæст кæнынц, уый базоныны тыхæй арæзт æрцыд радон рейд. Ведомствоты хсæн арæзт къамисмæ бацыдысты фæлхасадмæ цæстдарды Управленийы специалисттæ, мидхъуыддæгты министрады æмæ Уæрæсейы национ гвардийы кусджытæ. Иууылдæр иумæ бабæрæг кодтой Ирыстойнаг зылды фитнес-центртæ. Уым æнæмæнг хъæугæ сты буары тæвд барæн æмæ бæстыхæйттæ æфснайæн журналтæ, маскæтæ æмæ дезинфекцион фæрæзтæ. Пъæлицæйы кусджытæ сæхæдæг федтой, фитнес-центртæм чи цæуы, уыдонмæ се ппæтмæ дæр QR-кодтæ кæй ис, уый. Ахæм рейдтæ арæзт фæцæуынц рæстæгæй-рæстæгмæ, æмæ цæудзысты дарддæр дæр.
