филиал вгтрк государственная телерадиовещательная компания “Алания”

Дзæуджыхъæуы Сапицкийы фæлладуадзæн бынаты арæзт æрцыд традицион зиу. Архайдтой дзы республикæйы сæргълæууæджы æмæ хицауады администрацийы сæдæ кусæгæй фылдæр. Алчидæр сæ бацархайдта йе вæрæн бахæссыныл парчы зонæ саив кæныны хъуыддагмæ. Зиуы архайджытæ адих сты къордтыл, æмæ бафснайдтой сæ бæрны территоритæ. Акалдтой зæронд бæлæсты къалиутæ, сæмбырд кодтой бырæттæ æмæ сыфтæртæ. Зиу саразджыты хъуыдымæ гæсгæ, ахæм акцитæ хъæуы рæстæгæй-рæстæгмæ аразын, цæмæй рæсугъд æрдзон бынæттæ хæццæ кæной фидæны фæлтæртæм.