30 января 2026, 11:18
Дзæуджыхъæуы сарæзтой лæвар консультацитæ нырыккон технологитæм гæсгæ протезтæ аразджытимæ
Специалисттимæ фембæлынмæ æрбацыдысты 50 адæймаджы – се *хсæн сæрмагонд æфсæддон операцийы ветерантæ æмæ сабыр царды цæфтæ чи райста, ахæмтæ
Дзæуджыхъæуы сарæзтой лæвар консультацитæ нырыккон технологитæм гæсгæ протезтæ аразджытимæ. Специалисттимæ фембæлынмæ æрбацыдысты 50 адæймаджы – се *хсæн сæрмагонд æфсæддон операцийы ветерантæ æмæ сабыр царды цæфтæ чи райста, ахæмтæ. Адæмæн фадат уыд дыууæ боны сæ фæрстытæн дзуæппытæ райсынæн. Протезтæ аразджытæ лæмбынæгæй байхъуыстой æмæ æркастысты алы æрбацæуæгмæ дæр. Фембæлд арæзт æрцыд «Фыдыбæстæ хъахъхъæнджыты» фонды регионалон филиалы. Протезтæ аразæг куыстуаты разамонæгимæ Цæгат Ирыстоны Сæргълæууæг бадзырд бафыста Санкт-Петербурджы экономикон форумы уæвгæйæ.
