Ис дзы сæйраг бæстыхæйттæ, ирд цаутæ, горæты картæтæ, стæй чиныг, историон очеркимæ
Ацы къуыри хатдзæгтæ скодтой культурон-бæстæзонæн проект «Владикавказ – город мечты»-йæн. Проект саразджытæн афæдзмæ сæ къухы бафтыдысты сфæлдыстадон конкурстæ æмæ горæты историйы тыххæй лекцитæ хъуыстгонд ахуыргæндтимæ. Уымæй уæлдай ма сарæзтой уникалон историон-культурологон атлас. Ис дзы Дзæуджыхъæуы сæйраг бæстыхæйттæ, ирд цаутæ, горæты картæтæ, стæй чиныг, историон очеркимæ. Бæлвырддæр радзурдзæн Тъехты Элинæ.
Ныр уыцы фидарæй баззад æрмæстдæр 3 хайы. Алкæцы дæр дзы нымад у нæ горæты хæзнайыл. Дурджын къултæ сты Дзæуджыхъæуы райрæзты æмæ нæ историйы вдисæнтæ.
Дзæуджыхъæуы фыццаг хуызæй йæ нырыккон хуызы онг. Историон – культурологон атласы æвдыст сты йæ территориалон райрæзты къахдзæвтæ. Ирдæй дзы равдыстой кусæнгæрзтæ, цаутæ стæй истрион справкæтæ. Уæлдай цæстдард дзы цæуы дины фарстатæм.
Ирон аргъуан хауы горæты картæйы æппæтæй рагондæр объекттæм. Дзæуджыхъæуы ивгъуды æмæ йын ныртæккæ дæр ис сæрмагонд бынат. Атласы ис канд сæфт бæстыхæйттæ нæ, фæлæ ма æнæхъæн чи сты, уыдон дæр. 19-æм æнусы кæрон нæ горæты сарæзтой чырыстон дины сæйрагдæр бæстыхæйттæй иу – епархийы управленийы бынат. Историон резиденци сси епархийы æххæстгæнæн оргæн. Лыг кодта фарстатæ, рахаста – иу хатдзæгтæ. Аталасы алы картæйы дæр æвдыст у.
Проекты разамонджытæ куыд зæгъынц, афтæмæй сæм атлас скæныны хъуыды фæзынд 10 азы размæ. Адæмы куыстуарзондзинады руаджы хъуыды æххæстгонд æрцыд. Атласы ис горæты картæтæ, стæй чиныг, историон очеркимæ.
Ахæм историон – культурологон атластæ Уæрæсейы бирæ не сты. Дзæуджыхъуы та у фыццаг. Сарæзтой йæ проект «Владикавказ – город мечты»-йы фæлгæты. Царды та йæ рауагътой культурæйы уæрæсейаг фонд, æхсæнадон змæлд «За наш Владикавказ»-имæ иумæ.
