филиал вгтрк государственная телерадиовещательная компания “Алания”

Дзæуджыхъæуы сбæрæг кодтой  Мæскуыйы Щукины номыл театралон институты равзæрды бон. Ирыстонæн зæрдиаг ахастдзинæдтæ ис ацы ахуыргæнæндонимæ. Йæ бындурæвæрæг Евгений Вахтанов  райгуырд Дзæуджыхъæуы. Скъола куы байгом кодтой, уæдæй нырмæ, йæ каст фæци 70 Ирыстоны минæварæй фылдæр. Йæ рауагъдонтæ æрбамбырд сты æмæ иумæйагæй сбæрæг кодтой сæ ахуыргæнæндоны бон. Æрымысыдæсты сæ ахуыры азтæ, се хсæн чи нал ис, уыцы актерты. Æрдзырдтой фидæны иумæйаг кусты пълантыл. Уыцы бон ма презентаци скодтой регионалон æхсæнадон организаци «Вахтанговец» – æн дæр.  Йæ разамонæг Цæрикъаты Римæ куыд зæгъы, афтæмæй сæм фидæнмæ ис бирæ фæндтæ.