филиал вгтрк государственная телерадиовещательная компания “Алания”

Дзæуджыхъæуы сбæрæг сты æппæтадæмон фестиваль «Театралон уалдзæджы» хатдзæгтæ дæр. Мадзал фæцæуы æрвылаз. Ацы аз та баст у ирон Нартиадæимæ. Фестивалы, зындгонд сфæлдыстадон къордтæй уæлдай архайдтой инклюзивонтæ дæр. Фыццаг хатт сценæмæ чи рацыди, уыдонæн дзы уыди сæрмагонд номинаци «Дебют». Фестиваль аразджытæ куыд зæгъынц, афтæмæй архайджыты нымæц афæдзæй-афæдзæмæ кæны фылдæр. Уæлахиздзаутæн æмæ призертæн радтой дипломтæ, кады гæххæттытæ æмæ æхцайы фæрæзтæ. Лæвæрттæ иууылдæр уыдысты театралон архайджыты Цæдисæй æмæ культурæйы министрады номæй.