24 апреля 2025, 10:37
Дзæуджыхъæуы схорзæхджын кодтой скъолаты театрты конкурс «Театралон уалдзæг – 2025»-ы уæлахиздзауты æмæ призерты
Хуыздæры ном райсыныл архайдтой 95 коллективы республикæйы алы скъолатæй
Дзæуджыхъæуы схорзæхджын кодтой скъолаты театрты конкурс «Театралон уалдзæг – 2025»-ы уæлахиздзауты æмæ призерты. Хуыздæры ном райсыныл архайдтой 95 коллективы республикæйы алы скъолатæй. Æдæппæтæй 600 лæппу æмæ чызгæй фылдæр. Æвзонг актертæ равдыстой дæсгай номыртæ, сæ фылдæр уыдысты ирон æвзагыл. Ацы хатт спектакльты тематикæ баст уыд Фыдыбæстæ хъахъхъæнæджы азимæ. Жюрийы хыгъды уыдысты культурæйы къабазы минæвæрттæ æмæ педагогтæ. Кадджын мадзалы арæзт æрцыд гала-концерт. Аивадуарзджыты размæ дзы сæ курдиат рахастой конкурс «Театралон уалдзæджы» 5 уæлахиздзау-командæйы.
темæмæ гæсгæ
