Баст у Советон Цæдисы иугонд командæйы раздæры уæнг Цхуырбаты Гурамы номимæ
Дзæуджыхъæуы спортивон скъола «Æвзонгдзинад»-ы сæйраг фæзы райдыдта æппæтадæмон турнир футболæй. Баст у Советон Цæдисы иугонд командæйы раздæры уæнг Цхуырбаты Гурамы номимæ. Турнир цæудзæн æртæ боны. Ерысты архайынц 12 командæйы Цæгат Ирыстонæй, Дагестанæй, Волгоградæй, Стъараполы æмæ Краснодары крайтæй. Финалон хъæзтытæ уыдызсты райсом, 22-æм августы. Уæлахиздзаутæн кад кæныны мадзæлтты архайдзысты спорты ветерантæ æмæ официалон кусджытæ. Хуыздæр футболисттæн ратдзысты кады гæххæттытæ, кубоктæ æмæ сæрмагонд призтæ. Ерыстæ ныридæгæн систы традицион. Цхинвалæй рацæугæ Цхуырбаты Гурам у зындгонддæр ирыстойнаг спортсментæй иу. Уыд Советон Цæдисы чемпион æмæ бронзæ призер. Бирæ хæттыты хаст æрцыд нæ бæстæйы 33 хуыздæр футболистты хыгъдмæ. Советон Цæдисы иугонд командæйы хыгъды ахъазыд 7 матчы. Уыдонæй дыууæ хъазты уыдысты Олимпаг командæйы хыгъды, сæрдыгон Олимпаг хъæзтыты 1968-æм азы. Абон та Цхуырбаты Гурамы ном хæссы Цхинвалы стадион.
