Скуывтой дзы Уæрæсеы Федерацийы Сæйраг аргъуаны Сæйраг дзуарыныв «Хуыцауы конд дыууæвæрсыг уазныв»-ыл
Дзæуджыхъæуы Сыгъдæг Георгий Уæлахизхæссæджы номыл аргъуаны арæзт æрцыд хуыцауы номыл литургия. Скуывтой дзы Уæрæсеы Федерацийы Сæйраг аргъуаны Сæйраг дзуарыныв «Хуыцауы конд дыууæвæрсыг уазныв»-ыл. Номарæн аргъуыды архайдтой Хуссар æфсæддон зылды 58-æм æфсады службæгæнджытæ, сæ бинонтæ, стæй чырыстон диныл хæст адæм. Ныридæгæн дзуарынывмæ скуывтой 11 горæты: Севастополы, Симферополы, Керчы, Феодосийы, Ростовы, Новочеркасскы, Волгограды, Буденновскы, Стъараполы, Краснодары æмæ Адлеры. Æдæппæтæй та ацы чырыстон дины хæзна рахæсдзысты 57 мин километры уæлдæфыл, доныл æмæ зæххыл. Афтæмæй сæмбæлдзæн 120 горæтыл, 150 аргъуаныл æмæ 300 æфсæддон хайыл. Хуыцауы конд дыууæвæрсыг уазныв æмæ ма 8 сыгъдæг уды стæгдарты хæйттæ Дзæуджыхъæуы аргъуаны фæуыдзысты 5-æм августы онг. Уæдмæ алы бон дæр арæзт цæудзысты аргъуыдтæ. Уый фæстæ дзуарыныв «Спас Нерукотворный» арвитдзысты Астраханьмæ.
