Йæ продукцийæ æххæст кæны горæты сывæллæтты 4 рæвдауæндоны.
Дзæуджыхъæуы сывæллæттæн æхсырæй хойрæгтæ кæм цæттæ кæнынц, уыцы цæлгæнæн кусы 100 азы онг. Йæ продукци цалдæр фæлтæры цæрджытæн зонгæ у. Куыстуат рæзы абон дæр. Ныртæккæ царды уадзы пилотон проект. Йæ продукцийæ æххæст кæны горæты сывæллæтты 4 рæвдауæндоны. Фидæны фæндты ис ацы архайд фæуæрæхдæр кæнын.
Æхсырæй хойрæгтæ кæм цæттæ кæнынц, уыцы цæлгæнæны райсомæй æдзухдæр бирæ адæм вæййы. 4 сахатæй кусджытæ сывæллæттæн æхсырæй цæттæ кæнынц пайдайаг хойрæгтæ. Ныййарджытæ æрбацæуынц сæ сабитæн хаймæ. Ацы кусæнуат архайы 100 азы бæрц, уымæ гæсгæ сæ хойраджы ад хорз зонгæ у алы кары адæмæн.
Цæлгæнæны кусджыты цæстдардæй сывæллæтты хойрагимæ бутылкæтæ машинæйы æвæрынц. Къæпы æмæ къæдор хæстæгдæр цыппар сахатмæ бахæццæ кæндзысты скъолайы агъоммæ кусæнуаттæм. Сывæллæтты 59-æм рæвдауæндоны сабитæ афæлвæрдтой пайдайаг хойрæгтæ. Фыццаг сын сæ ад не мбæрстой, фæлæ сыл ныр ацахуыр сты.
Кусæнуаты куыд зæгъынц, афтæмæй æппæтæй кæстæр къордтæ æхсыры бындурыл хойрæгтæй æххæст кæныны пилотон проект царды уадзынæн цæлгæнæны ис сæйраг гæнæнтæ – технологон уавæртæ, æнæфæсайгæ æмкусджытæ, æмæ дæсны коллектив.
Социалон æххуысы нысанимæ цæлгæнæны æхсыры продукцийæ лæвар, республикон бюджеты хардзæй, æххæстгонд цæуынц, се *фтиæгтæ нысангонд цæрынæн æппынкъаддæры бæрцæй ныллæгдæр кæмæн сты, ахæм бинонтæй 3 азы онг сывæллæттæ. Ахæм хорзæхæй пайда кæнынц 1 мин 300 сывæллонæй фылдæр, уый та у æхсыры хойраджы 5 мин порцийы.
Афæдзы райдианæй цæлгæнæны сцæттæ кодтой сывæллæттæн хойраджы 915 мин порцийы. Сæ хыгъды ныллæглактозон къæдор æмæ ныллæгглютенон хæццæтæ.
