Æрбамбырд кодта 500 бархионæй фылдæры. Бырæттæ сæмбырд кодтой 2 тоннæйы æмæ *рдæг
Дзæуджыхъæуы Терчы былгæрон ацыд национ æууæлтимæ баст æппæтуæрæсеон экологон акци. Æрбамбырд кодта 500 бархионæй фылдæры. Бырæттæ сæмбырд кодтой 2 тоннæйы æмæ *рдæг. Архайджытæн бацæттæ кодтой бæрæгбоны программæ – спортивон хъæзтытæ æмæ патриотон акци. Мадзалы фæлгæты республикæйы экологи æмæ æрдзон *вæрæнты министрад фонд «Компас»-имæ бафыстой æмгуыстады бардзырд. Бæлвырддæр радзурдзæн Чехойты Фатимæ.
Национ æууæлтимæ баст экологон-патриотон акци 3-æг аз æххæстгонд цæуы бæстæйы. Ныр арæзт æрцыд Цæгат Ирыстоны дæр. 9-æм къласон Давид Манушаридийы бафæндыд Чысыл Доны станцæйы алыварс æфснайынмæ йе *ххуысы хай бахæссын. Лæппу хæрзаудæн акциты фархайы зæрдиагæй.
Æппæтуæрæсеон экологон акци ацыд бынæттон цæрджыты традицитæм гæсгæ. Ирон музыкæйы зæлтæ æхсызгондзинад лæвар кодтой архайджытæн, арæзт сын æрцыд кафыны æмæ хъазыны фадæттæ. Дзæуджыхъæуы акци саразын бантыст экологон фонд «Компас»-ы руаджы республикæйы экологи æмæ æрдзон æвæрæнты министрады, стæй парти «Иугонд Уæрæсе» æххуыссæй.
Республикæйы экологи æмæ æрдзон æвæрæнты министрад фонд «Компас»-имæ бафыстой бардзыд æмгуыстады тыххæй. Уымæ гæсгæ Цæгат Ирыстоны экологон æдасдзинады мадзæлттæ æххæст кæндзысты иумæ.
Акцийы архайдтой 500 адæймаджы. Национ экологон фонд «Компас»-ы разамонæг куыд фæбæрæг кодта, афтæмæй Цæгат Ирыстон сси, фонды кусджытæ акци кæм бабæрæг кодтой, бæстæйы ахæм регионтæн се 31 (æртын фыццæгæм). Хуымæтæг зиуæй хицæн кæны, йæ архайджытæн кафыны æмæ хъазыны фадат арæзт кæй æрцæуы, уымæй. Цымыдисаг у, алы регионы дæр ацæуы бынæттон традицитæм гæсгæ, зæгъынц акци саразджытæ.
Акцийы архайынмæ æрбамбырд сты адæм стырæй чысылæй. Скъоладзаутæ, æхсæнадон архайджытæ, сæрмагонд æфсæддон операцийы ветерантæ, министрæдты æмæ ведомствоты минæвæрттæ, æфсæнвæндаджы кусджытæ. Егъау æфснайæн куысты фæстæ сывæллæттæ акодтой «Чепена»-йы кафт. Акци æххæстгæнгæйæ Уæрæсейы регионты 3 азмæ сæмбырд кодтой 300 тоннæйы бырæттæ, йæ архайджытæ та систы 30 мин адæймагæй фылдæр. Ацы аз æфснайæн куыстытæ фесты. Дзæуджыхъæуы йæ архайджытæ сæмбырд кодтой бырæттæ 100 голладжы. Акци дарддæр æххæстгонд цæудзæн 2026 азы.
