Ахæм курдиат балæвæрдта культурон-рухстауæн æхсæнадон организаци «Ныфс»-ы разамонæг Гæззаты Валерий.
Дзæуджыхъæуы топонимикон къамис рахаста, Ленины уынгæн йæ ном ма аивыны уынаффæ. Ацы фарстамæ æркастысты горæты администрацийы. Ахæм курдиат балæвæрдта культурон-рухстауæн æхсæнадон организаци «Ныфс»-ы разамонæг Гæззаты Валерий. Фыстæг æрвыст æрцыд республикæйы сæргълæууæгмæ, уый фæстæ йæ радтой топономикон къамисмæ æркæсынмæ. Гæззаты Валерий бахаста фæндон, уынгæн Советон Цæдисы Хъæбатыр, Сталинграды тохы архайæг Тогъуызты Хъауырбеджы ном радтын. Йæ рæстæджы уый царди Ленины уынджы хæдзæрттæй иуы. Дзæуджыхъæуы сæргълæууæджы хæдивæг Сæлбиты Зитæ фæнысан кодта, ацы фарста кæй рахастой иумæйаг æрныхасмæ. Уый у æнæмæнг домæн. Курдиат бадæттæгæн та разайы дзуапп нæ радтой, сæрмагонд фæткæвæрдмæ гæсгæ горæты историон хайы уынгты нæмттæ ивын кæй нæй, уый тыххæй.
