филиал вгтрк государственная телерадиовещательная компания “Алания”

Дзæуджыхъæуы трамвайты фæндæгтæ Сабырдзинады проспекты, рацарæзты фæстæ цæттæ сты ног вагонтæм. Ауылты нæ цыдысты афæдз æмæ рдæг, егъау рацарæзт дзы кæй цыди, уымæ гæсгæ. Цалцæггæнæн куыстытæ хъуамæ фæуой рæхджы. Уæдмæ та уал рельсытæ æххæстæй ссыгъдæг кæндзысты. Муниципалон унитарон куыстуат «Владтрамвай»-ы специалисттæ ауагътой ног хыз. Уæвгæ та Сабырдзинады проспект рацаразыны проекты нысангонд уыд – электрон тыхдæттæг телтæн ног цæджындзтæ сæвæрыны куыст.