19 июля 2025, 10:40
Дзæуджыхъæуы цæгат-ныгуылæн хайы дарддæр цæуы ног автомобилон фæндаджы арæзтад
Уаццаг баиу кæндзæн Дзæуджыхъæуы Курсантов-Кировцевы уынг æмæ Джызæл
Дзæуджыхъæуы цæгат-ныгуылæн хайы дарддæр цæуы ног автомобилон фæндаджы арæзтад. Уаццаг баиу кæндзæн Дзæуджыхъæуы Курсантов-Кировцевы уынг æмæ Джызæл. Ныртæккæ подрядон организацийы минæвæрттæ архайынц дондзæуæн къанау дæрддæр айсыныл. Уымæй дарддæр цæттæ кæнынц фæндаджы бындур. Ног къанауы фæрцы фæндаг æмæ йæ алыварс территорийæн донивылдæй тæссаг нæ уыдзæн. Уыцы-иу рæстæг цæуынц зæххы куыстытæ. Ома цæттæ кæнынц ног фæндаджы сæйрагдæр хай. Специалисттæ ма саив кæндзысты къахвæндæгтæ, къæвдадæтты канализаци, сæвæрдзысты рухсгæнæнтæ. Уаццаджы дæргъ уыдзæн 650 метры. Объект эксплуатацийы нысан кæнынц ацы азы кæронмæ раттын.
темæмæ гæсгæ
