Уый фæдыл ын горæты администрацийы сæргълæууæг Милдзыхты Вячеславы номæй раарфæ кодтой Дзæуджыхъæуы сæргълæууæджы хæдивæг Ходы Мæдинæ, стæй Фæстерчы æмæ Промышленнон районты префект Игорь Шаталов
Дзæуджыхъæуы цæрæг Козаты Соняйыл сæххæст 100 азы. Уый фæдыл ын горæты администрацийы сæргълæууæг Милдзыхты Вячеславы номæй раарфæ кодтой Дзæуджыхъæуы сæргълæууæджы хæдивæг Ходы Мæдинæ, стæй Фæстерчы æмæ Промышленнон районты префект Игорь Шаталов. Козаты Соня райгуырд Хуссар Ирыстоны. 10 къласы каст куы фæцис, уый фæстæ 1941-æм азы кусын райдыдта колхозы. Фæллойы ветеран куыд мысы, афтæмæй фронтæн æххуыс кæнгæйæ йе мгæрттимæ куыстой 2 радæй: хуым кодтой, æфснайдтой тыллæг, ластой холлæгтæ. Хæсты фæстæ йæ цардæмбал Козаты Георгиимæ схъомыл кодтой 3 сывæллоны. Абон Соняйæн ис 5 хъæбулы хъæбулы æмæ ма уыдоны цот дæсæй. Фæллойы ветеран хорзæхджынгонд у «Фыдыбæстæйы Стыр хæсты Уæлахизы 80 азы» юбилейон майданæй.
