Мит куы стайы, уæд къахвæндæгтæ вæййынц тæссаг уавæры
Дзæуджыхъæуы цæрджытæ тыхсынц фæндæгты уавæрæй. Мит куы стайы, уæд къахвæндæгтæ вæййынц тæссаг уавæры. Ацы фарстамæ се ргом аздæхтой æхсæнадон кусджытæ, æмæ бадомдтой уавæр сраст кæнын. Горæты уынгты уавæры тыххæй бæстондæр радзурдзæн Сосранты Жаннæ.
Дзæуджыхъæуы цæрджытæ хъаст кæнынц, уазал рæстæг къахвæндæгтыл цæуæн зын кæй вæййы, ууыл. Афойнадыл сыгъдæггонд кæй не рцæуынц, уымæй сбырынцъаг вæййынц. Кæд сæйраг фæндæгтæ сæрмагонд техникæйы фæрцы æфснæйд цæуынц, уæд тротуартæ та змисæй пырхгонд дæр нæ вæййынц.
Дзæуджыхъæуы æхсæнадон Советы уæнгтæ федтой уынгты уавæр горæты администрациймæ цæрджытæ цы хъæстытæ æрбарвыстой, уыдон фенгæйæ.
Цæрæн хæдзæртты æмæ коммерцион структурæты сæртæй мит æмæ их сыгъдæг кæнын у сæ хицæуттæ æмæ муниципалон уагдæтты хæс.
Фæбæрæг кæнын ма хъæуы уый дæр, æмæ Дзæуджыхъæуы районтæй кæмдæрты мит хуыздæр сыгъдæггонд цæуы, кæмдæрты та æвзæрдæр.
Бырынцъаг къахвæнгтыл ма фæбырынæн, горæты цæрджытæн æххуыс кæны хорз зымæгон къахыдарæс, стæй сæ лæмбынæгдзинад. Æхсæнадон Советы æркасты фæстæ аргъгонд æрцæудзæн коммуналон хæдзарады куыстæн, стæй федералон закъонад куыд æххæстгонд цæуы, ацы фарстайы.
