18 октября 2024, 10:37
Дзæуджыхъæуы цæуы 7-æм «Медиафорум – 2024»
Форумы архайджыты сæ фæлтæрддзинадæй æмæ зонындзинæдтæй хайджын кæнынц эксперттæ, зындгонд уæрæсейаг журналисттæ Владимир Мамонтов, Игорь Прокопенко æмæ Армен Оганесян
Дзæуджыхъæуы цæуы 7-æм «Медиафорум – 2024: адæймаджы бартæ журналистикæйы, ног технологитæ æмæ æппæтадæмон информацион æдасдзинад». Форумы архайджыты сæ фæлтæрддзинадæй æмæ зонындзинæдтæй хайджын кæнынц эксперттæ, зындгонд уæрæсейаг журналисттæ Владимир Мамонтов, Игорь Прокопенко æмæ Армен Оганесян. Боны фæткмæ рахастой цалдæр фарстайы: æфсæддон журналистикæ, медиакорпорациты ног ресурстæ, æппæтадæмон ахастдзинæдтæ аразгæйæ. Медиафорумы фæзы алкæмæн дæр фадат ис спикертæм фæрсытæ раттынæн, æмæ сæхи хъуыдытæ зæгъынæн дæр. Форум фæуыдзæн абон.
