Программæ æххæст кæнгæйæ, снысан кодтой лекцитæ бизнес-хъæппæристыл æмæ бизнес-пълантыл кусынæй
Дзæуджыхъæуы цæуы интенсивон тренинг амалхъомдзинады бындуртæй. Программæ æххæст кæнгæйæ, снысан кодтой лекцитæ бизнес-хъæппæристыл æмæ бизнес-пълантыл кусынæй. Тренингы архайынц сæрмагонд æфсæддон операцийы архайджытæ, сæ бинонты уæнгтæ. Амалхъомдзинады сусæгдзинæдтæ базонынæн æххуыс кæнынц федералон тренер, æппæтуæрæсеон æмæ æппæтадæмон проектты эксперт Александра Фирсова. Боны фæткмæ рахастой ахсджиаг фарста – социалон контракттæ исын. Ахуырадон программæйы фæстæ алы архайæг дæр йæхицæн хъуамæ снысан кæна бизнес-хъæппæрис. Тренинг саразджытæ куыд зæгъынц, афтæмæй уæлдай æргом здахынц командæйы кусыныл æмæ креативон хъуыдыкæнынадыл. Лæвар ахуыртæ скæныны фадат фæзынд, национ проект «Ахадгæ æмæ ерысхъом экономикæ» æххæст кæнгæйæ.
