филиал вгтрк государственная телерадиовещательная компания “Алания”

Дзæуджыхъæуы цæуы сывæллæттæн фыццаг æххуыс кæныны ахуырадон программæ. Ахуыртæ сты лæвар. Кæнынц сæ аттестацигонд инструктортæ æмæ ирвæзынгæнджытæ. Прграммæйы фæлгæты ныййарджытæ базондзысты сывæллæттæн алыхуызон уавæрты тагъд æххуысы дохтыртæ цалынмæ цæуой, уæдмæ фыццаг æххуыс куыд бакæнын хъæуы, уый. Ахуыртæ арæзт цæуынц хæрзаудæн организаци «Мария мама»-йы хъæппæрисæй. Æрхъуыды сæ кодтой,  æнæнхъæлæджы уавæрты рæстæг  цæмæй сывæллæттæм æвзæр фæстиуджытæ ма уа.  Ацы хатт, ахуырты фæлгæты бæстонæй равзæрстой, зæрдæйæн æмæ рæуджытæ реанимацион мадзæлттæ раст куыд кæнын хъæуы, уый. Ахуырты фæстæ, архайджытæн ратдзысты сертификаттæ.